حتسقط يعني حتسقط يا جمعاوي!!
ايام الامتحانات بتبقي احلي ايام
..عارفين ليه؟؟عشان ده اليوم اللي الواحد بيرمي فيه الإجابة في الورقة بعد ما قعد يحشي المعلومات في
دماغه طول أيام المذاكرة المخنقة..
ودا حصل معايا
ويمكن حصل معاكوا
لبست هدومي..وقبل أن أخرج من باب البيت..نظرت إلى الكتاب..وقولتله: وربنا..وربنا ما
حذاكرك تاني..
ثم ذهبت إلى اللجنة مسرعاً وأنا سعيد إني خلاص حفضي دماغي من مادة كاملة- طبعاً ده
إن نجحت فيها إن شاء الله-وصلت إلى مكاني في اللجنة..وبعد أن جلست وزعوا علينا ورقة
الإجابة..وطبعاً زي كل الشعب..سطرت الورقة وجهزتها للفرم اللي حيحصلها..وفجأة!!!!!!
وزعوا علينا ورقة الأسئلة..نظرت إلى الامتحان وأنا لا أصدق نفسي..يا حومتي!!!..إيه ده يا واد
ده.. معقول .. هو ده امتحان؟؟ .. مش ممكن!! .. ده امتحان محصلش في الأرجنتين.. -
متسألوش اشمعنا الأرجنتين؟طبعاً عشان بحب ديفيد بيكهام- لقيت
الورقة..عجيبة..غريبة..كالآتي:-
------------ --------- --------- --------- --------- --------- --------- --------- --------- --------- -
الاسم:اكتب اسم الحاجة أمك :........... .. رقم موبيلك:........... ....
الإيميل:........... ......... السيبر المفضل:........... ...
السؤال الأول:اختار من بين الأقواس الكلام الصح:
1- حنان ترك اتحجبت يعني............ (لبست جزمة - لبست ساعة - لبست ايشرب)
2- اللي بنى هرم خوفو............ ..(طلعت مصطفى - المقاولون العرب - مقاول عادي - خوفو)
3- اللي بنى..بنى مصر كان في الأصل......(حلاق - نجار - تاجر مخدرات - السيد - حلواني)
4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه
برنامج..صباح الخير ............ (يا ماما - يا بابا - يا خالو - يا ريس - يا مصر)
5 - مصر هى أمي نيلها جوا...........(بطني - جيبي - دمي)
6- رئيس مصر القادم السيد......(جمال مبارك - جمال مبارك - جمال مبارك - كل ما سبق)
السؤال الثاني:أكمل الجمل الآتية بكلام م الآخر:
1- انتبه من فضلك السيارة ترجع إلى............ ......... ...
2- ماما زمنها............ .......
3- من خلال تجاربك السابقة...البامبرز استيك منه............ .
4- طلعت أدّب نزلت أدّب لقيت الدب بيأزز............
5- اسم والد اللاعب وائل جمعة الحاج............ ..
السؤال الثالث:ضع علامة NIKE أو علامة غلط أمام الكلام الجاي:
1- بابا فين؟؟ ..بابا هنا..قوله مين؟؟ قوله عمو ( )
2- الشرطة دائما في خدمة الشعب ( )
3- اللي بيته من سيراميك ميحدفش الناس بالبلاط ( )
4- شاي الجوهرة حتة سكرة ( )
5- يحكم مصر النظام الملكي ( )
"ملحوظة:لو معرفتش سؤال ابقى طلع المنفستو اللي معاك..غش براحتك..كده كده حتسقط
عشان تحرم تقول لكتاب المادة بتاعتي كده..ماشي !!!! "
------------ --------- --------- --------- --------- ------
قريت الورقة وأنا في اسبهلال تام..فركت عيني مرة وأتنين..والورقة زي ما هيا..قريت الملحوظة
اللي في آخر الورقة تاني.. وتالت ..وأنا مش مصدق إن الدكتور كاتبلي ..ماشي ..ماشي
هتسقط برده
..أنت يا وااااااااااد يا واااد قوم بقى..عشان تروح الامتحان
-استيقظت من نومي..ثم نظرت حولي..إيه ده أنا لسه في البيت مرحتش اللجنة..الحمد لله
كنت بحلم..ووجدت الكتاب جنبي ع السرير..فأخذته في حضني وقولتله...يا لهوي يا
كتاب..بحبك يا كتاب.. بموت فيك يا كتاب.. بعشقك يا كتاب .. مقدرش أعيش من غيرك يا
كتاب ..هو أنا ليا بركة ألا انت يا كتاب.
