حواااااار مع فيروس الانفلونزا.....

    شاطر
    avatar
    my heart is broken
    general moderator
    general moderator

    انثى
    عدد الرسائل : 510
    العمر : 29
    البــــلـد :
    عملــي :
    هوايتي :
    مزاجي :
    Best TeaM :
    وسام العضو :
    قيمة النجاح : 0
    مجموع النقاط : 3555
    تاريخ التسجيل : 16/12/2009

    1+) حواااااار مع فيروس الانفلونزا.....

    مُساهمة من طرف my heart is broken في الأحد ديسمبر 20, 2009 5:42 pm

    حوار مع فيرس الانفلونزا


    لن أحكي لكم عن مغامراتي المستميته في تحديد موعد مع هذا الفيروس المشغول جدا.. لكن يكفي أن أقول أنني استطعت أن أصل إليه بطريقة ما و أجريت معه هذا الحوار الممتع و المتميز جدا..

    احنا : اهلا و سهلا يا عم الفيروس
    الفروس: اهلا اهلا ...
    احنا : لو سمحت ياريت تعرف اخوانا القراء بنفسك..
    الفيروس: اسمي في البطاقة h5 .. و اسمي الفني ( فيروس انفلونزا الطيور)..
    احنا : ما هو محل الاقامة ؟
    الفيروس: محل الاقامة مش ثابت للأسف.. اصلي غاوي سفر بيني و بينك..
    احنا : طيب ما هو محل الميلاد ؟
    الفيروس: أنا اتولدت أساسا في جنوب شرق آسيا.. قول في الصين كده..
    احنا : كلمنا عن نفسك شوية..
    الفيروس: أنا فيروس عادي زي أي فيروس في الساحة الطبية.. بس كل ما هنالك إني وجه جديد و انت عارف بقى و سائل الاعلام بتهتم بكل ما هو جديد..
    احنا : إيه الجديد اللي قدمته ؟
    الفيروس: يمكن الجديد إني غاوي فراخ و بط و وز..و شهيتي مفتوحة حبتين .. بس كده..
    احنا : طيب إيه اللي جابك عندنا يا استاذ h5 ؟
    الفيروس: أبدا.. لقيت كل حاجه بتجيلكم من الصين و انتم فرحانين بيها.. فلت آجي أنا يمكن ترحبوا بيا أنا كمان !
    احنا : نرحب بيك ؟ يعني جاي تخرب بيتنا و نرحب بيك ؟؟ تيجي ازاي دي ؟
    الفيروس: يا بيه مالبضايع اللي جايالكم من الصين جايه تخرب بيتكم هيا كمان, و فرحانين بيها و طايرين بيها.. اشمعنه انا يعني ؟؟
    احنا : مش واخد بالي ..
    الفيروس: اسمع يا سيدي.. البضايع الصيني دي مش جاية تضرب الصناعة و الاقتصاد المصري ؟
    احنا : بيحصل !
    الفيروس : أنا كمان جاي أضرب الفراخ و الاقتصاد المصري.. هياها يعني !!
    احنا : دانت فيروس مثقف قوي.. طيب بلاش كلام في السياسة عشان الناس ماتزهقش..
    الفيروس: زي ما تحب..
    احنا : انت ازاي دخلت الأراضي المصرية ؟
    الفيروس : بلاش كلام في النقطة دي لو سمحت.. أنا متسلل صحيح بس مش عايز مشاكل مع الداخلية الله يخليك..
    احنا : يعني دخلت ازاي ؟
    الفيروس: دخلت مع بطة مهاجرة وصلتني في طريقها .. أوتو ستوب يعني !
    احنا : و ناوي تعمل ايه في مصر ؟
    الفيروس : أبدا.. أنا باتكاثر على البط و الوز و الفراخ و الطيور الظريفة دي..
    احنا : طيب مش ناوي تنتقل للبني ادمين ؟
    الفيروس : لا طبعا ..
    احنا : ليه ؟
    الفيروس: شوف يا بيه .. احنا الفيروسات غاويين أذية صحيح , لكن مابنحبش نقطّع على بعض .. كلام في سرك كده .. أنا جربت أدخل جسم مواطن مصري.. لقيت لما دخلت لقيت زملاء كتير قوي .. (التهاب كبدي و بائي) على (بلهارسيا) على (التهاب سحائي) على (سرطان) على (سالمونيللا).. لقيت خلق كتير قوي يا بيه.. لقوني داخل عليهم قاموا وقفوا.. و خدوني على جنب.. و رنوني حتة علقة مكن ,خلتني أزرقّ..!! شايف البشلة اللي في وشي دي ؟؟ إهي دي ضربة مطوة من الأخ (فشل كلوي) !
    احنا : و بعدين ؟؟
    الفيروس : أبدا.. بعد ما خدت العلقة التمام, قعدنا قعدة عرب.. و اتكلمنا كلام فيروسات من الآخر و اتفقنا على المفيد..
    احنا : اتفقتوا على ايه بالضبط ؟
    الفيروس: اتفقنا على إن انا مش من هنا و مش ابن بلد فلازم ألتزم بالأصول ..و ما قطّعش على الميكروبات المصرية الصميمة.. اتفقنا على قاعدة ( صباح الخير يا جاري ,انت في حالك و انا في حالي!) يعني بلاش تقطيع على بعض و خليني في الفراخ و العصافير و ما أهوبش ناحية منطقة الميكروبات التانية.. أصلها أرزاق يا بيه و غلط ناخد رزق بعض عدم المؤاخذة..و ده اللي أعلنا عنه في المؤتمر الصحفي بعد المباحثات اللي اجريناها مع بعض في أحد مقالب الزبالة..
    احنا : تشرفنا بلقاءك يا سيد h5



    ما ذبح قلبي سيوف ولا طعن قلبي رماح............. اللي ذبحني

    حبيب قالي أحبك، ثم راح





    avatar
    F.Totti
    Francesco Totti
    Francesco Totti

    ذكر
    عدد الرسائل : 2833
    العمر : 26
    البــــلـد :
    عملــي :
    هوايتي :
    مزاجي :
    Best TeaM :
    وسام العضو :
    قيمة النجاح : 10
    مجموع النقاط : 4049
    تاريخ التسجيل : 16/04/2008

    1+) رد: حواااااار مع فيروس الانفلونزا.....

    مُساهمة من طرف F.Totti في الإثنين ديسمبر 21, 2009 11:22 pm

    ههههههههههههه فيروس مثقف وابن بلد بصحيح
    ميرسي ليكي يا قمر وتسلم ايدكـ بجد
    ومستنين حوار تاني مع حد الطف من كده



    avatar
    angel's tears
    active Memmber
    active Memmber

    انثى
    عدد الرسائل : 189
    العمر : 26
    البــــلـد :
    عملــي :
    هوايتي :
    مزاجي :
    Best TeaM :
    قيمة النجاح : 3
    مجموع النقاط : 3077
    تاريخ التسجيل : 13/12/2009

    1+) رد: حواااااار مع فيروس الانفلونزا.....

    مُساهمة من طرف angel's tears في الثلاثاء ديسمبر 22, 2009 12:57 am

    ههههههههههههههههههههههههههههههههههههههههههههه


    ايه الثقافه دي يا خواتي




    تسلم ايدك يا قمري
    avatar
    my heart is broken
    general moderator
    general moderator

    انثى
    عدد الرسائل : 510
    العمر : 29
    البــــلـد :
    عملــي :
    هوايتي :
    مزاجي :
    Best TeaM :
    وسام العضو :
    قيمة النجاح : 0
    مجموع النقاط : 3555
    تاريخ التسجيل : 16/12/2009

    1+) رد: حواااااار مع فيروس الانفلونزا.....

    مُساهمة من طرف my heart is broken في الثلاثاء ديسمبر 22, 2009 4:06 am


    ميرسي يا جماعه والله

    بس انتم متعرفوش انا تعبت اد ايه عشان الحوار دا

    هههههههههههههه
    عموما اوعدكم بحوارات اخري

    مع فيروسات اخري

    يسلملي مروركم الجميل



    ما ذبح قلبي سيوف ولا طعن قلبي رماح............. اللي ذبحني

    حبيب قالي أحبك، ثم راح






      الوقت/التاريخ الآن هو الإثنين سبتمبر 25, 2017 12:02 am