حواااااار مع فيروس الانفلونزا..... Ezlb9t


انضم إلى المنتدى ، فالأمر سريع وسهل

حواااااار مع فيروس الانفلونزا..... Ezlb9t

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



3 مشترك

    حواااااار مع فيروس الانفلونزا.....

    my heart is broken
    my heart is broken
    general moderator
    general moderator


    انثى
    عدد الرسائل : 510
    العمر : 35
    البــــلـد : حواااااار مع فيروس الانفلونزا..... Egypti10
    عملــي : حواااااار مع فيروس الانفلونزا..... Engine10
    هوايتي : حواااااار مع فيروس الانفلونزا..... Chess10
    مزاجي : حواااااار مع فيروس الانفلونزا..... Uouso11
    Best TeaM : حواااااار مع فيروس الانفلونزا..... Ahly_l10
    وسام العضو : حواااااار مع فيروس الانفلونزا..... Member
    قيمة النجاح : 0
    مجموع النقاط : 5933
    تاريخ التسجيل : 16/12/2009

    1+) حواااااار مع فيروس الانفلونزا.....

    مُساهمة من طرف my heart is broken الأحد ديسمبر 20, 2009 5:42 pm

    حوار مع فيرس الانفلونزا


    لن أحكي لكم عن مغامراتي المستميته في تحديد موعد مع هذا الفيروس المشغول جدا.. لكن يكفي أن أقول أنني استطعت أن أصل إليه بطريقة ما و أجريت معه هذا الحوار الممتع و المتميز جدا..

    احنا : اهلا و سهلا يا عم الفيروس
    الفروس: اهلا اهلا ...
    احنا : لو سمحت ياريت تعرف اخوانا القراء بنفسك..
    الفيروس: اسمي في البطاقة h5 .. و اسمي الفني ( فيروس انفلونزا الطيور)..
    احنا : ما هو محل الاقامة ؟
    الفيروس: محل الاقامة مش ثابت للأسف.. اصلي غاوي سفر بيني و بينك..
    احنا : طيب ما هو محل الميلاد ؟
    الفيروس: أنا اتولدت أساسا في جنوب شرق آسيا.. قول في الصين كده..
    احنا : كلمنا عن نفسك شوية..
    الفيروس: أنا فيروس عادي زي أي فيروس في الساحة الطبية.. بس كل ما هنالك إني وجه جديد و انت عارف بقى و سائل الاعلام بتهتم بكل ما هو جديد..
    احنا : إيه الجديد اللي قدمته ؟
    الفيروس: يمكن الجديد إني غاوي فراخ و بط و وز..و شهيتي مفتوحة حبتين .. بس كده..
    احنا : طيب إيه اللي جابك عندنا يا استاذ h5 ؟
    الفيروس: أبدا.. لقيت كل حاجه بتجيلكم من الصين و انتم فرحانين بيها.. فلت آجي أنا يمكن ترحبوا بيا أنا كمان !
    احنا : نرحب بيك ؟ يعني جاي تخرب بيتنا و نرحب بيك ؟؟ تيجي ازاي دي ؟
    الفيروس: يا بيه مالبضايع اللي جايالكم من الصين جايه تخرب بيتكم هيا كمان, و فرحانين بيها و طايرين بيها.. اشمعنه انا يعني ؟؟
    احنا : مش واخد بالي ..
    الفيروس: اسمع يا سيدي.. البضايع الصيني دي مش جاية تضرب الصناعة و الاقتصاد المصري ؟
    احنا : بيحصل !
    الفيروس : أنا كمان جاي أضرب الفراخ و الاقتصاد المصري.. هياها يعني !!
    احنا : دانت فيروس مثقف قوي.. طيب بلاش كلام في السياسة عشان الناس ماتزهقش..
    الفيروس: زي ما تحب..
    احنا : انت ازاي دخلت الأراضي المصرية ؟
    الفيروس : بلاش كلام في النقطة دي لو سمحت.. أنا متسلل صحيح بس مش عايز مشاكل مع الداخلية الله يخليك..
    احنا : يعني دخلت ازاي ؟
    الفيروس: دخلت مع بطة مهاجرة وصلتني في طريقها .. أوتو ستوب يعني !
    احنا : و ناوي تعمل ايه في مصر ؟
    الفيروس : أبدا.. أنا باتكاثر على البط و الوز و الفراخ و الطيور الظريفة دي..
    احنا : طيب مش ناوي تنتقل للبني ادمين ؟
    الفيروس : لا طبعا ..
    احنا : ليه ؟
    الفيروس: شوف يا بيه .. احنا الفيروسات غاويين أذية صحيح , لكن مابنحبش نقطّع على بعض .. كلام في سرك كده .. أنا جربت أدخل جسم مواطن مصري.. لقيت لما دخلت لقيت زملاء كتير قوي .. (التهاب كبدي و بائي) على (بلهارسيا) على (التهاب سحائي) على (سرطان) على (سالمونيللا).. لقيت خلق كتير قوي يا بيه.. لقوني داخل عليهم قاموا وقفوا.. و خدوني على جنب.. و رنوني حتة علقة مكن ,خلتني أزرقّ..!! شايف البشلة اللي في وشي دي ؟؟ إهي دي ضربة مطوة من الأخ (فشل كلوي) !
    احنا : و بعدين ؟؟
    الفيروس : أبدا.. بعد ما خدت العلقة التمام, قعدنا قعدة عرب.. و اتكلمنا كلام فيروسات من الآخر و اتفقنا على المفيد..
    احنا : اتفقتوا على ايه بالضبط ؟
    الفيروس: اتفقنا على إن انا مش من هنا و مش ابن بلد فلازم ألتزم بالأصول ..و ما قطّعش على الميكروبات المصرية الصميمة.. اتفقنا على قاعدة ( صباح الخير يا جاري ,انت في حالك و انا في حالي!) يعني بلاش تقطيع على بعض و خليني في الفراخ و العصافير و ما أهوبش ناحية منطقة الميكروبات التانية.. أصلها أرزاق يا بيه و غلط ناخد رزق بعض عدم المؤاخذة..و ده اللي أعلنا عنه في المؤتمر الصحفي بعد المباحثات اللي اجريناها مع بعض في أحد مقالب الزبالة..
    احنا : تشرفنا بلقاءك يا سيد h5
    F.Totti
    F.Totti
    Francesco Totti
    Francesco Totti


    ذكر
    عدد الرسائل : 2833
    العمر : 32
    البــــلـد : حواااااار مع فيروس الانفلونزا..... Egypti10
    عملــي : حواااااار مع فيروس الانفلونزا..... Collec10
    هوايتي : حواااااار مع فيروس الانفلونزا..... Painti10
    مزاجي : حواااااار مع فيروس الانفلونزا..... Uoouoo10
    Best TeaM : حواااااار مع فيروس الانفلونزا..... 69739910
    وسام العضو : حواااااار مع فيروس الانفلونزا..... Empty
    قيمة النجاح : 10
    مجموع النقاط : 6427
    تاريخ التسجيل : 16/04/2008

    1+) رد: حواااااار مع فيروس الانفلونزا.....

    مُساهمة من طرف F.Totti الإثنين ديسمبر 21, 2009 11:22 pm

    ههههههههههههه فيروس مثقف وابن بلد بصحيح
    ميرسي ليكي يا قمر وتسلم ايدكـ بجد
    ومستنين حوار تاني مع حد الطف من كده
    حواااااار مع فيروس الانفلونزا..... 821514
    angel's tears
    angel's tears
    active Memmber
    active Memmber


    انثى
    عدد الرسائل : 189
    العمر : 33
    البــــلـد : حواااااار مع فيروس الانفلونزا..... Egypti10
    عملــي : حواااااار مع فيروس الانفلونزا..... Collec10
    هوايتي : حواااااار مع فيروس الانفلونزا..... Painti10
    مزاجي : حواااااار مع فيروس الانفلونزا..... Uoouoo10
    Best TeaM : حواااااار مع فيروس الانفلونزا..... Ahly_l10
    قيمة النجاح : 3
    مجموع النقاط : 5455
    تاريخ التسجيل : 13/12/2009

    1+) رد: حواااااار مع فيروس الانفلونزا.....

    مُساهمة من طرف angel's tears الثلاثاء ديسمبر 22, 2009 12:57 am

    ههههههههههههههههههههههههههههههههههههههههههههه


    ايه الثقافه دي يا خواتي




    تسلم ايدك يا قمري
    my heart is broken
    my heart is broken
    general moderator
    general moderator


    انثى
    عدد الرسائل : 510
    العمر : 35
    البــــلـد : حواااااار مع فيروس الانفلونزا..... Egypti10
    عملــي : حواااااار مع فيروس الانفلونزا..... Engine10
    هوايتي : حواااااار مع فيروس الانفلونزا..... Chess10
    مزاجي : حواااااار مع فيروس الانفلونزا..... Uouso11
    Best TeaM : حواااااار مع فيروس الانفلونزا..... Ahly_l10
    وسام العضو : حواااااار مع فيروس الانفلونزا..... Member
    قيمة النجاح : 0
    مجموع النقاط : 5933
    تاريخ التسجيل : 16/12/2009

    1+) رد: حواااااار مع فيروس الانفلونزا.....

    مُساهمة من طرف my heart is broken الثلاثاء ديسمبر 22, 2009 4:06 am


    ميرسي يا جماعه والله

    بس انتم متعرفوش انا تعبت اد ايه عشان الحوار دا

    هههههههههههههه
    عموما اوعدكم بحوارات اخري

    مع فيروسات اخري

    يسلملي مروركم الجميل

      الوقت/التاريخ الآن هو الجمعة مارس 29, 2024 9:20 am