ازاي ده حصل ؟ Ezlb9t


انضم إلى المنتدى ، فالأمر سريع وسهل

ازاي ده حصل ؟ Ezlb9t

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



2 مشترك

    ازاي ده حصل ؟

    angel's tears
    angel's tears
    active Memmber
    active Memmber


    انثى
    عدد الرسائل : 189
    العمر : 33
    البــــلـد : ازاي ده حصل ؟ Egypti10
    عملــي : ازاي ده حصل ؟ Collec10
    هوايتي : ازاي ده حصل ؟ Painti10
    مزاجي : ازاي ده حصل ؟ Uoouoo10
    Best TeaM : ازاي ده حصل ؟ Ahly_l10
    قيمة النجاح : 3
    مجموع النقاط : 5454
    تاريخ التسجيل : 13/12/2009

    ازاي ده حصل ؟ Empty ازاي ده حصل ؟

    مُساهمة من طرف angel's tears الإثنين ديسمبر 14, 2009 10:02 pm

    اهلا
    و سهلا بيكم
    وحشتوني اووووووووي
    يااااااااه فينكم من زمان
    انتو رغايين كدا ليه
    ادخل في الحوار
    المهم
    في
    يوم كدا
    و انا ماشيه راجعه من المدرسة ( اللي مش بروحها يعني ) و رايحه
    اشتري قرطاس لب ولا حاجا
    لقيت عربية 127 واقفه ادام محل المكوجي (علما
    بانه بيكوي بايده مش برجله)
    و نزل واحد ابن حلال مصفي و قعد يتخانق مع
    الراجل المكوجي و يشتم فيه و قاله الهدوم انا سايبها من امبارح و كل دا
    متكوتش انا عايز فلوسي
    الراجل استعبط و قاله ملكش فلوس عندي
    تخيلو
    مسكو ضربوا و كسرلو المحل و طلع يجري و كل الناس وقفا تتفرج ههههه
    و انا
    بقي كنت بحاول احفظ نمره العربيه بس الحمد لله اني لسا حافظه نمره بيتنا

    ازاي
    دا حصل
    الجوع يعمل اكتر من كدا
    حتي انزل تحت
    .....

    يوم
    بقي كنت مروحه من درس بالليل و راكبين الترام
    و خير اللهم اجعله خير
    الترام وصلتين
    وصله من محطه الرمل لفيكتوريا و التاني بتمر بباكويس
    الاول
    المهم احنا ركبنا اللي بتمر ببكوس و دي بقي بتتاخر شويه
    فقولت
    اسال الراجل الكمسري الطيب دا عشان ابقي حافظ يعني اي لون علي يافطه الترام
    مش بيمر بباكوس
    فقلتله : لو سمحت هو الترام اللي بيعدي من باكوس بتبقي
    يفططه لونها اخضر لاكن بتاعت فيكتوريا علطول دا حمرا صح ؟
    قالي حمرا .. و
    حسسني اني شتمته مع اني وربنا ماقصد حاجا !!

    ازاي دا حصل
    الفقر
    يعمل اكتر من كدا
    حتي انزل كمان شويه
    ....

    يوم تاني كنت
    مستنيه واحد ادام كشك سجاير و جمب الكشك في كشك صغير مكتوب عليه "مشروع
    رعايه المكفوفين ولا المعاقين جسديا " حاجا كدا يعني
    و الراجل بتاع
    الكشك بيحط البضاعه بتاعته فيه
    و رابط الشاببيك بتاعته بحبال
    فكونا
    واقفين وواحد قاعد جوه راح موقع الشباك اللي الراجل رابطه
    و هو الراجل
    بتاع 30 سنه كدا ولا حاجا و ما شاء الله دراعه عرضه اد عرضي
    المهم دخل
    يقول : الله يخرب بيتكم كل يوم تقرفوني اوعي يا جدع انتا و هو من هنا
    قولتلو
    خلاص يا عم صلي علي النبي و قلبك ابيض
    قالي و انت قلبك احمر .. مش
    عارفه ليه فهمتها زي الكمسري و اتهورت و قولتله و انا بقي مش عايزه اقولك
    ايه اللي احمر
    بس فعلا هو كان قاصد يشتمني يعني

    ازاي دا حصل
    الغباء
    يعمل اكتر من كدا
    حتي انزل تحت
    ....

    يوم غيرهم كنت راكبه
    مشروع و معديين من جمب اتوبيس الاقي الاتوبيس مفهوش ولا نسمه و كل الناس
    جريت وواحد يعني تعبان عقليا عمال يصوووت بصوت عالي واتنين بس اللي قاعدين
    يهدوه لحد ما سكت زي الطفل الصغير !!
    طب هو بيعمل كدا ليه و الناس مفهاش
    شهامه ليه
    الجهل يعمل اكتر من كدا
    حتي انزل تحت
    ....

    اول
    امبارح كنت ماشيه علي و ياريتني منزلت لانها كانت شوره زفت كنت هتمشي بس
    عالبحر لاكن غاندي اللي معايا قعد يشرحلي معادله المصيفيين و الكثافه
    السكانيه و اقتنعت اننا نروح سان استفانو نتمشي
    كان يوم جميل و كان
    بيوزعوا بيبسي ببلاش و الجو زي الفل و احنا راجعين الراجل الطماع مش عايز
    يروح علي طول ابوقير لازم ينزل المندره الاول يجيب ناس و اهه بياخد ربع
    جنيه زياده من كل نفر
    و هو طماع اكتر و عارف ان مش هيلاقي ناس كتير تركب
    من عالبحر راح داخل من شارع جمال عبدالناصر
    الشارع وقف في العصافره و
    احنا راكبين من سيدي بشر ( كنا اتمشينا شويه ) و دافعينلو 75 قرش بحالهم و
    المسافه اللي مشاها صغيره جدا
    و الطريق مش بيتحرك
    الناس نزلت و احنا
    نزلنا بس مرضاش يدي لحد باقي
    مشيت و خلاص مهو المندره برضه مش بعيد و
    انا بدعي ان لما الناس كلها تنزل العربيه تتقلب بيه و يطلع صاحي بس يداين
    طول عمره بتمن العربيه

    ازاي دا حصل ؟
    الزحمه تعمل اكتر من كدا
    حتي
    انزل تحت
    ....

    يوم اشترينا بطيخه عشان كان في عزومه و كانت بتاع
    طن ولا حاجا و بنفتحها لقينها كلها ميه من جوه
    مش عارف هو البطيخه ساحت
    ولا ايه

    يوم غيره اشترينا مانجا هههه طلعت طعم القطره لما بتخش في
    بقك بالغلط

    ازاي دا حصل
    الغش يعمل اكتر من كدا !
    ....

    يوم
    بقي ... يوم ايه شهر
    كان في شهر كنت عايشه الدور شويه و عماله احب في
    واحد و فاكره الشيخ سعد بياع السبح
    و لما روحت في مكان - دون ذكر اسماء -
    لقيته الله ينور يقول لدينا قومي و انا ارقص مكانك
    ازاي دا حصل
    الهيافه
    تعمل اكتر من كدا

    ....


    و اليكم بعض الحاجات اللي بتحصل

    * تروح للبياع يشخط فيك كانو بيبعلك و بيديلك فلوس
    * لو بنت
    هتلاقي في كل حته تروحيها الناس بتسألك الساعه كام , او احنا فين هنا ؟
    * تيجي تشتري اي حاجا تلاقي عليها Made in China حتي الهدايا الفرعونيه
    اللي من المفروض انها تراثنا
    * تلاقي محلات بتبيع هدوم بتعدي ال300
    جنيه بس متحاولش تسال اللي واقف هل الاموال نشفت ولا لسا في الغسيل؟

    * تفتح التلفزيون تلاقي افلام تفتح الراديو تلاقي اغاني تركب المكروباص
    تلاقي جوجوجوجو تفتح الحنفيه تلاقي الميه صفرا
    * كثرت بطريقه غريبه
    الالفاظ العيب في الافلام وكانها بقت مقياس الشجاعه ايه يعني طب مانا اقدر
    اقول كل الكلام دا و مبقاش شجاع ولا حاجا
    * تلاقي الناس مشتركه في
    موقع زي الفيسبوك لمجرد انو فيسبوك




    ازاي كل دا حصل؟
    فقره
    اعلانيـــة و نرجع لبعض تاني
    اواعي تغير الموضوع

    ****************
    هذا
    البرنامج برعايه كلير .. رعاه الصلع في العالم العربي
    دانون كريم
    كراميل و الان بطعم الكوتش و اللبان المحمص
    الان مع حمو جروب اشتري طقم
    الفناجين اللي مش بيتكسر ابو 300 جنيه و المفاجاه عليه 4 كوبايات ازاز هديه
    ***************
    باك
    .
    .
    او
    فرود
    المهم السبب ...

    ____

    نأسف اعزائي المشاهدين علي
    انقطاع الارسال
    و دلوقتي اديني عقلك و امشي حافي
    يرجي التكرم من قارئ
    الموضوع انو مينفضلوش لانه لسا مغسول و يرد عليه بمواقف غريبه حصلت في
    حياته
    و يحاول يعرف معانا السبب
    او ممكن تختار من الاختيارات الاتيه

    (الانجليز
    ولاد *** .. الحكومه بنت ال *** .. نايت هو السبب .. ثوره عالم البطاطس)

    و
    تحياتي
    angel's tears
    حاسه انو الاسم دا شؤم
    my heart is broken
    my heart is broken
    general moderator
    general moderator


    انثى
    عدد الرسائل : 510
    العمر : 35
    البــــلـد : ازاي ده حصل ؟ Egypti10
    عملــي : ازاي ده حصل ؟ Engine10
    هوايتي : ازاي ده حصل ؟ Chess10
    مزاجي : ازاي ده حصل ؟ Uouso11
    Best TeaM : ازاي ده حصل ؟ Ahly_l10
    وسام العضو : ازاي ده حصل ؟ Member
    قيمة النجاح : 0
    مجموع النقاط : 5932
    تاريخ التسجيل : 16/12/2009

    ازاي ده حصل ؟ Empty رد: ازاي ده حصل ؟

    مُساهمة من طرف my heart is broken الأربعاء ديسمبر 16, 2009 12:32 pm


    ههههههههههههههه
    بجد توبيك تحفه
    تسلمي يا قمر

    ازاي ده حصل ؟ 081114034459aFsp
    angel's tears
    angel's tears
    active Memmber
    active Memmber


    انثى
    عدد الرسائل : 189
    العمر : 33
    البــــلـد : ازاي ده حصل ؟ Egypti10
    عملــي : ازاي ده حصل ؟ Collec10
    هوايتي : ازاي ده حصل ؟ Painti10
    مزاجي : ازاي ده حصل ؟ Uoouoo10
    Best TeaM : ازاي ده حصل ؟ Ahly_l10
    قيمة النجاح : 3
    مجموع النقاط : 5454
    تاريخ التسجيل : 13/12/2009

    ازاي ده حصل ؟ Empty رد: ازاي ده حصل ؟

    مُساهمة من طرف angel's tears الثلاثاء ديسمبر 22, 2009 12:28 am

    تسلمي يا جميل على مرورك

      مواضيع مماثلة

      -

      الوقت/التاريخ الآن هو الجمعة مارس 29, 2024 1:43 am