اسئلة تجيب الشلل$ بنتعرض ليها كل يوم $

    شاطر
    avatar
    مايا
    Diamond Memmber
    Diamond Memmber

    انثى
    عدد الرسائل : 1647
    العمر : 27
    وسام العضو :
    قيمة النجاح : 0
    مجموع النقاط : 3442
    تاريخ التسجيل : 22/04/2008

    default اسئلة تجيب الشلل$ بنتعرض ليها كل يوم $

    مُساهمة من طرف مايا في الأحد ديسمبر 07, 2008 1:11 pm


    اسئله بديهيه مالهاش اي لازمه في الدنيا
    بنتعرض ليها كل يوم من كل الناس




    خلـونـــا نشــوف أمثلة

    أنت في أوضتك .. على السرير وطافي النور ومتغطي ...
    يجي أخوك الظريف ويفتح الباب عليك ويقول : ايه ياد انت هتنام ولا ايه ؟
    (( أظن ده مش وضع الرقص !!! واضح ان انا هنام ))

    *************** ****

    أنتم معزومين عند ناس ورحتو لبيتهم وأول ما فتحولكوا الباب يقول
    ابنهم الصغير " انتوا جيتــوااااااااا ااااااا

    (( لا لسه ))


    *************** *****


    والعكس : أنت لابس هدومك و متأنتك و على سنجه عشره وريحة البارفان
    واصله لاخر الشارع .. وخلاص بتفتح باب الشقه,, يجي حد من أهلك وينادي
    بصوت عالي : انت خااااارج ولا اييييييييي يه

    (( !!! لاء دانا لسه راجع ))

    *************** ******

    أو مثلا راكب العربيه ودورتها وخلاص هتطلع ... يجيلك لك البواب
    ويخبطلك على الزجاج,, أنت بكل ذوق تفتح الزجاج وتقوله : خير في حاجه؟
    يقولك : انت رايح الشغل يابيه ؟

    (( لا العربيه واحشاني ))

    *************** ***
    >>

    مثلا ماسك سماعه التلفون وقاعد تضغط الارقام يجي حد من أهلك ويقولك
    : انت هتتكلم في التليفون ؟

    (( لا أبتفرج عليه ,, أكيد بتكلم ))

    *************** ***

    مثلا : ماسك مذكرة أو كتاب وقاعد تحفظ ومتحمس (أول مره بقى ) .. جه حد
    وقالك :هاه قاعد تذاكر ؟
    (( تقوم رامي الكتاب و تقوله لااااااااء ))


    *************** **


    ربنا هاديك كده ... ماسك سبحه و عمال تسبح ، يجي حد من البيت يعدي
    عليك ويقول :هوه انت بتسبح
    (( لاء هفرطها و أسلقها ))

    *************** **

    ولا تعالــو شوفو قنواتنا واسئلتهم البديهيه البايخه

    برنامج اهداءات يتصل واحد يطلب أغنيه
    ترد عليه ست الكوتكوته (المذيعه) بكل خفه ورشاقه : أنتا بتحب
    الاغنيّة ديه ولا ايه ؟

    (( لاء طالبها اخنق على نفسي))


    *************** **

    أو مثلا في العيد

    المذيع : هههههه هههههههه هههههه نتعرف بيك
    االمواطن : فلان الفلاني
    المذيع :هههههه هههههه هههههه بتقول ايه للأهل ههه و صحابك ههه و
    قرابيك هههه و للناس اللي انت مخاصمهم كمان ؟ هههههه هههههه ههههههه
    المواطن : أقولهم كل عام وأنتم بخير ..

    (( أكيد يعني مش هيقولهم البقاء لله ))


    *************** **

    ,,,المذيعه الرخمه : وياترى بقى هتعملوا ايه العيد ده هتقضوه ازاي ؟
    اكيد بيبقى زيارات الأهل و الصحاب و تخرجوا تشوفوا مظاهر العيد في
    الشوارع و تفسحوا أولادكم ونتصل بالمعارف نعيد عليهم و نقولهم كل سنه
    و انتوا طيبين

    (( سبتيله ايه يقوله يارخمه ))

    *************** *

    والأسخف بقى ... الشلل الكبير.. لما المذيعين يكلموا الاطفال
    يقول المذيع للطفل : أنت تحب ماما وبابا !!!

    (( يعني اساسي الواد لسه ما طلعلوش عرق الكره علشان يقول لأ )

    avatar
    messi
    general moderator
    general moderator

    ذكر
    عدد الرسائل : 1358
    العمر : 25
    البــــلـد :
    عملــي :
    هوايتي :
    مزاجي :
    Best TeaM :
    وسام العضو :
    قيمة النجاح : 6
    مجموع النقاط : 3677
    تاريخ التسجيل : 06/06/2008

    default رد: اسئلة تجيب الشلل$ بنتعرض ليها كل يوم $

    مُساهمة من طرف messi في الأحد ديسمبر 07, 2008 5:35 pm

    هههههههههههههههههه

    شكرا على الاسلة



    avatar
    F.Totti
    Francesco Totti
    Francesco Totti

    ذكر
    عدد الرسائل : 2833
    العمر : 26
    البــــلـد :
    عملــي :
    هوايتي :
    مزاجي :
    Best TeaM :
    وسام العضو :
    قيمة النجاح : 10
    مجموع النقاط : 4049
    تاريخ التسجيل : 16/04/2008

    default رد: اسئلة تجيب الشلل$ بنتعرض ليها كل يوم $

    مُساهمة من طرف F.Totti في الأحد ديسمبر 07, 2008 10:04 pm

    هههههههههههه ميرسي مايا بجد موضوع جميل

    تسلم ايدك




      الوقت/التاريخ الآن هو الإثنين سبتمبر 25, 2017 12:10 am